Моменти - Агенција за организирање настани

Промовирајте го вашиот бизнис преку соопштение за медиуми – совети за пишување

admin — Wed, 14 Jul 2010 10:21:53 +0000

Има два начина вашата фирма да се појави во медиумите, првиот е со пишување на соопштение за медиуми и втората со рекламирање – првото е поефтино. Сепак, за да стигне вашето соопштение до уредниците и да го одобрат да се објави, потребно е да имате познавање од пишување на новинарски текстови и да ја разбирате уредничката етика. Има неколку предуслови што треба да ги исполнувате за да можете да испратите соопштение кое е интересно да се испечати.
Изберете тема – најважно кога пишувате соопштение за медиуми е да не заборавите ни за момент дека пишувате соопштение, не реклама. Иако главната цел на успешно напишано соопштение е да добиете нови клиенти, сепак првично е дека треба да пренесете нова вест. Еве неколку пример теми за кои можете да пишувате соопштение. Ова се одлични примери за кои треба да испратите соопштение, кое може да ви обезбеди интервју, доколку ја пренесете веста на вистинскиот начин:
• Вашата компанија организира настан кој што е отворен за пошироката јавност
• Сте добиле награда или признание во вашата област
• Издавате книга или ЦД, организирате изложба, итн
• Извршувате важна општествена услуга
• Вашата компанија нуди нов производ или услуга
• Вашата комоанија нуди пракса, обуки, часови или шанса за волонтирање
• Држите предавања или курсеви
Секако, има и други настани кои се однесуваат на вашиот бизнис, а можат да добијат соодветно место во медиумите:
• Сте отвориле нова канцеларија
• Сте добиле сертификат за завршена обука или курс во вашата област
• Имате отворен ден
• Издавате информативна брошура или друга публикација достапна за широката јавност
Новинарски аспект
Веќе кога ќе ја изберете темата за соопштение, подготвени сте за пишување. За да напишете успешно соопштение, потребно е да знаете две основни новинарски правила. Првото е – секоја вест треба да има одговор на прашањата: кој, што, каде, кога и зошто. Втората работа е – сите вести треба да бидат напишани како ’неправилна пирамида’. Тоа значи дека прво треба да ја напишете главната вест, па надолу да следат помалку важните информации. Ова се прави бидејќи поголем дел од уредницитего читаат првиот пасос или го скратуваат текстот. Вашето соопштение ќе го читаат уредници и професионални новинари. Тоа значи дека мора да употребувате правилна реченична структура, точни фрази и точна интерпункција. Колку помалку работа има уредникот при средување на соопштението, толку се поголеми шансите да ви го објави. Два начина на кој што можете да го проверите ова е ако го прочитате на глас или да го дадете на некој ваш член од фамилијата да го препрочита откако ќе го напишете.
Доколку читате весници редовно (а треба!) сигурно сте забележале дека начинот на пишување е краток и јасен. Треба да избегнувате долги конфузни реченици и епитети. Секако дека мора да имате веќе проверени факти и да добиете одобрение од луѓето кои ги цитирате.
Структура на соопштението
Меѓу најважните работи кои ќе го задржат вниманието на уредникот и читателите (освен содржината секако) е насловот. Употребете колку што можете помалку зборови во реченица, и накратко и на интересен начин објаснете за што е соопштението. Наместо да напишете: жена објави брошура “Како да станеш виртуелен асистент“, пробајте да напишете: “Станете виртуелен асистент за да имате флексибилност и независност“.
Уште во првиот, главен параграф, треба да ги опфатите одговорите на петте главни прашања и краток опис на веста која следи. Исто така, треба да содржи ’нешто’ што ќе ги натера да продолжат да читаат. Вообичаено е цитат или потврден факт кој што ќе го задржи вниманието. Еве пример за тоа ’нешто’:
(’нешто’) Деспина Арсова (кој) работи во пижами, сега можеш и ти. Арсова, која што е професионален виртуелен асистент, напиша книга (што) во која го објаснува процесот на станување виртуелен асистент. (зошто) Книгата „Како да станете виртуелен асистент“ ќе биде достапна од следниот месец(кога) во сите книжарите(каде) ширум Македонија.
Во главниот дел на текстот треба да ја објасните кратката информација од првиот параграф. Конкретно за примерот, можете да наведете историја како сте стигнале до идејата за ваков бизнис, на кој начин ви го сменил животот, додадете цитати и слично. Задолжително структурирајте го текстот според правилото ’неправилна пирамида’.
Биографија и контакт информациите ставете ги во последниот дел на соопштението. Вообичаено тоа би изгледало вака: „Деспина Арсова е сопственик на компанија за виртуелна асистенција. Можете да ја контактирате на ….. “
Вообичаени грешки
Да напишете предолго соопштение – бидете кратки и јасни. Употребувајте кратки, јасни и лесни реченици. Најчесто соопштението има околу 600 зборови.
Да употребите погрешен формат – секогаш употребувајте вистински формат на соопштение за медиуми. Тоа значи: почнете со наслов, не пишувајте се со големи букви и на крајот ставете целосни информации за контакт.
Да напишете досаден наслов – речиси секогаш, насловот е тој што ќе одлучи дали уредникот ќе го прочита вашето соопштение или не.
Да направите граматички грешки – поголем дел од уредниците веднаш ќе го фрлат соопштението, нема да ги поправаат грешките. За да делувате професионално препрочитајте го соопштението пред да го пратите.
Да го тормозите уредникот – не се јавувајте кај уредникот за да проверите дали го добиле вашето соопштение. Се смета за непрофесионално. Секогаш крајната одлука е на уредникот.
Каде и како да го пратите соопштението за медиуми
Различни издавачи имаат различен протокол за објава на соопштение за медиуми. Обично, сите го праќаат по електорнска пошта или по факс, но сепак претходно треба да прашате дали сакаат да го добијат. Адресите и броевите можете да ги најдете на интернет, на нивните официјални интернет страници, или уште посигурно, да ја откупите листата од агенција.
Кога веќе ќе го имате контактот, јавете им се за да се осигурате каков формат на соопштение треба да изготвите. Запомнете: се јавувате да добиете основни информации. Не смеете да го фалите вашето соопштение или да ги убедувате дека треба да го објават.
Откако ќе го испратите соопштението, проверете ги наредниот ден медиумите за да проверите дали е објавено. Доколку соопштението не е временски ограничено, може да не го објават веднаш, да го зачуваат за друг ден, недела, дури и месец подоцна. Ако веќе е објавено, испратете благодарност до уредникот што ви излегол во пресрет. Со тоа ќе обезбедите вашите следни соопштенија полесно да стигнат до објавување.

Како да испратите соопштение за медиуми

admin — Thu, 08 Jul 2010 11:54:22 +0000

Без оглед на тоа дали вие самите го подготвувате и испраќате вашите ПР материјали и соопштенија до медиуми или пак користите помош од професионална агенција, целта на вашето соопштение е добие колку што може поголемо внимание.
Ако сакате соопштение кое што ќе бикде објавено, следете ги овие совети.
1. Испратете го целосно соопштение, не само линк или кратка информација
Испратете го соопштението до медиумите. Не изведувајте заклучоци и не праќајте скратена вест или линк до уредниците. Тие можеби имаат навика да читаат само меилови или не се на интернет во мометот за да го проверат линкот, што значи нема да ја добијат вашата информација.
2. Испратете текст, не ХТМЛ
Испратете го соопштението само како чист текст, не ХТМЛ. Задржете го колку што можете поедноставно. Со тоа уредникот полесно ќе може да го зачува или измени по потреба.
3. Употребете впечатлив наслов кој што е поврзан со веста
Насловот на соопштението за медиуми е за да привлече внимание. Со тоа, морате да внимавате да не ставите наслов кој што не е точен, не е поврзан со главната вест што ја пренесувате или да насочува кон нешто друго.
4. Без атачмент (прилог)
Не го праќајте сооптението како атачмент (прилог). Испратете го како дел од меилот. Прилозите често се игнорираат, бидејќи луѓето не ги отвараат, од страв од вируси. Исто така, не го праќајте во ПДФ формат, така за да го употребат ќе мораат да го прекуцаат.
5. Испраќање факс е во изумирање
Само во ворд документ може да се исфрли или додаде дел од текстот. Уредниците сакаат да го добијат текстот во формат во кој што ќе им биде најлесно да го употребат. Ова е ист случај како правило 4. Доколку добие соопштение кое е испратено по факс или напишано на жаргонски јазик, нема да го употреабт и ќе преминат на следно соопштение кое ќе им биде полесно да го модифицираат.
6. Тип
Уредниците сакаат да го имаат соопштението во дигитална форма, за да можат да направат мали модификации, не големи измени или да го преправаат она соопштение кое има за цел да звучи како продажен материјал. Едноставно, ако е такво нема да го употребат.
7. Додадете го вашето соопштение да може да се пренесе преку РСС (на вашата интернет страница)
Доколку го направите тоа, подоцна ова ќе ви обезбеди понатамошна дистрибуција и видливост на пребарувачите.
8. Време
Избегнувајте да испраќате соопштенија за време на празници. Искуството вели, најдобро време е во средината на неделата. Имајте го на ум и времето кое што е потребно вашето соопштение да биде примено и проследено од уредникот пред одлуката дали да се објави во конкретен медиум.
9. Имајте дополнителни материјали
Доколку ги заинтересирате новинарите, секогаш имајте дополнителни информации што ќе можете да им ги доставите за да можат да напишат сеопфатен прилог, бидејќи ја разберале суштината на вашиот бизнис и ве рабрале вас.

Напишете одлично on-line соопштение – како да ги ставите вашите информации на интернет и да добиете резултат-

admin — Fri, 18 Jun 2010 09:33:58 +0000

Креирајте он лајн соопштение
Како што веќе можете да забележите веќе луѓето не стигнуваат до информациите на ист начин како порано. Сега начинот е – пребарувате на интернет да најдете линкови, содржина, препораки и дискусии кои што предизвикуваат внимание. И секако, има еден тон информации.
За да ве забележат треба да пишувате за две целни групи:
- за посетители кои бараат информации за вашиот бизнис, продукти и услуги
- за пребарувачи кои ги наоѓаат вашите содржини и ви ги носат тие посетители
Ако објавите соопштение он-лајн можете да ги постигнете двете работи.
Во основа треба да содржи:
• Наслов
• Кратка содржина
• Дата, место на одржување и прв параграф
• Текст
• За компанијата
• Контакт информации
Пред да го напишете соопштението – листа на работи што Треба & Не Треба да ги направите.
Следниве совети ќе ви помогнат да напишете професионално, содржинско и моќно соопштение.
Треба:
Почнете моќно: имате само неколку секунди да го добиете вниманието на вашите читатели, затоа најдобро е да имате моќен почеток. Вашата вест треба да биде опишана во насловот, резимето и првиот праграф. Остатокот од соопштението треба да ги соджи другите детали.
Идентификувајте се: доколку првите параграфи не соодветствуваат со изворот на информациите што сакате да ги објавите, многу веројатно ќе ја загубите важноста што може да ја пренесе вашето соопштение.
Пишувајте професионално: доколку имате грешки, жаргони, премногу извичници или други чести грешки, има шанса да ве перцепираат како реклама а не како пренесувач на вест, што може многу да ви наштет на кредабилитетот. Или уште полошо, некој може да го превземе соопштението и да го објави без никакви модификации, без воопшто да го отвори и да ги претстави вашите грешки пред широката јавност.
Ограничете ги жаргоните: најдобриот начин да зборувате е да користите вообичаен начин на изразување. Доколку користите технички термини или жаргон, можете да ја ограничите својата читателска публика.
Осигурајте се вашата информација да биде Информативна и На време: помислете на вашата целна група. Дали оваа приказна може да заинтересира некој друг? Одговорете на прашањето: Зошто некој би бил заинтересиран? И бидете искрени.
Осигурајте се дека вашата објава е навремена, уникатна, потенцира нешто ново или невообичаено и обезбедува потребни информации за конкретна целна група. Со други зборови: немојте да правите реклама за вашиот бизнис.
Избегнувајте клише: вие не сакате клише. Не сака ни вашата публика. При опишување избегнувајте фрази како ’корисниците ќе заштедат’ или ’одлична услуга за клиенти’. Фокусирајте се на оние аспекти од вашата објава кои ве одделуваат од останатите.
Изберете закачка: потрудете се да имате нешто што ќе ги натера да продолжат да читаат. Доколку текстот соджи информации како тековни настани, најнови истражувања, трендови и социјална вмешаност, ќе добиете важност, кредабилитет и брзина на објавување на вашата порака.
Употребете дополнителни информации: соопштенијата можат да обезбедат мултимедиа документи како слики, видео, линкови и други дополнителни работи кои што ќе го задржат вниманието на читателите и ќе ја доловат важноста на веста. Прикачете лого, фотографии со лица, фотографии од продуктот, други фотографии, аудио документи, видео, ПДФ документи или други долкументи кои ќе го дополнат соопштението.
Претставете го решението: употребете примери од вистинскиот живот за да претставите како вашата компанија или организација се правила со конкретен проблем. Претставете го проблемот и објаснете зошто вашето решение е вистинското. Давајте примери.
Не се плашете сами да се пофалите: интернет вестите или дистрибуцијата на соопштение е одличен начин да креирате статус на експерт. Доколку сте имале годишнина, сте вработиле нов директор на оддел, сте постигнале значителен раст или сте добиле награда, кажете му на светот дека сте успешни и добри во својата работа. Или напишете соопштение кое што нуди совети или помош во вашето поле на работа.
Не ги издавајте сите тајни: доколку правите промоција наредната сезона, кажете им на читателите када можат да прочитаат повеќе за тоа. Обезбедете линкови во соопштението кои ќе водат директно до вашата страница, каде чиателите ќе можат да прочитаат детали. Дајте им причина на читателите да кликаат на вашата страница.
Држете се до фактите: кажете ја вистината. Избегнувајте лаги, сплетки, и прикривања. Доколку мислите дека вашето соопштение е сензационално, големи се шанасите истото да го помислат и читателите.
Употребувајте директен говор: директиниот говор ќе го оживее соопштението. Наместо да напишете ’склучија партнерство’ напишете ’се партнери’.
Кратете ги зборовите: бидете јасни. Пребарувачите често ги одбиваат соопштенијата со предолги наслови, претерани листи и премногу зборови. Исфрлете ги непотребните заменки, метафората или честите долги изрази од типот ’дополнителен бонус’ или ’за прв пат’.
Проверка: пишувајте го вашето соопштение на Ворд или друг документ наместо директно на интернет страницата, за да можете да го испринтате, проверите, измените и проверите уште еднаш. Колку подолго време поминете да го направите правилно, толку подобар впечаток ќе добие вашата фирма пред светот.
Не Треба
Можете да сретнете одлични соопштенија. Но можете да сретнете и ужасни. Бидејќи вашето соопштение се натпреварува за внимание на читатели со стотици, некогаш и илјадници соопштенија на други компании, најдоброто што можете да го направите е да се потрудите вашето соопштение да пренесува силна порака и да нема никаква грешка.
Запомнете: нема да добиете втора шанса да го поправите негативниот впечаток.
Ова се неколку работи што Не треба да ги има во ниедно соопштение:
• Да бидат сите големи букви со цел да се потенцира нешто
• Граматички грешки
• Недостаток на содржина
• Рекламен или промотивен котекст
• Возбуда
• Употреба на зборовите ’ти’, ’јас’ или ’ние’
Повод за соопштение
Сите компании имаат вест. Всушност дури и ако имате бизнис кој го водите од дома, имате многу информации кои сакате да ги споделите – можеби ново партнерство, нов производ, нова интернет страница, нови вработени итн. Сите овие информации можат да ви користат да ја претставите вашата компанија пред јавноста. Еве неколку најчести теми за кои можете да напишете соопштение:
Објава на нов производ - лансирање на нов производ е клучно за да се напомене растот на компанијата. Добијте максимум промоција на новиот производ преку разни он-лајн маркетинг алатки и промоции.
Добивање на награда – наградите и даваат креадбилитет на вашата компанија пред кориснците – испраќање на соопштение, е одличен начин да го добиете вниманието што го заслужувате. Без оглед на тоа дали сте локален ресторан и славите поголема посетеност или ја изгласале вашата компанија како најдобро место за работа – кажете им го тоа на сите.
Организирате донорска вечера или самит за технологија – за еден настан да биде успешен, потребен е публицитет – има ли подобар начин да се постигне тоа, од објавување на вашето соопштение он-лајн, каде што можат да го видат илјадници луѓе и да дознаат како можат да учествуваат или да го поддржат настанот. Без оглед на тоа дали организирате донорска вечера или промовирате самит за технологија, обезбедете свежи информации додека се трудите да се зголеми посетеноста на вашата страница при промоција на настаните.
Објава на менување на вработен – објава на нови работни места може да биде голема вест. Споделувањето на таква вест во јавноста покажува дека вашиот бизнис расте и дека го цените својот тим за работа.
Објава на ново партнерство – преку споделување на вести за вашите бизнис парнери можете најдобро да го промовирате вашиот успех, значајниот раст на вашата компанија, да изградите доверба кај клиентите за вас и вашите партнери и да добиете потенцијални нови клиенти за двете компании.
Споделување на резултати од истражувања – истражување на пазарот е ефикасен начин да ја зголемите довербата и за подигнување на свеста на важните клиенти - посебно кога информацијата е раширена низ целокупната јавност. Без оглед на тоа дали користите дата база да идентидикувате одредена индустрија или да обезбедите поддршка за одредена програма, потрудете се да ја раширите информацијата колку што можете повеќе.
Наслов
Добар наслов за он-лајн соопштение е оној кој:
• Обезбедува информации – не е маркетинг промоција или реклама
• Ги содржи клучните зборови кои што би ги употребиле луѓето при пребарување
• Нешто што веднаш ќе го задржи вниманието на читателот
• Го тера читателот да научи нешто повеќе за тоа
Големина: пребарувачите имаат големи ограничувања при избирање на специфични наслови (што ќе прикажат при пребарување).
• Google – 60 букви
• Yahoo 120 букви
Форма: во насловот – почнувајте го секој збор со голема буква, освен предлозите и кратките зборови составени од три букви или помалку.
Совет: насловот оставете да го напишете на крај за да бидете сигурни дека сте ги употребиле сите потрбни клучни зборови и информации за соопштението.
Кратка содржина
Параграфот за содржина најчесто е само тоа – делови од информациите што ќе ги содржи соопштението. Овој параграф најчесто следи по насловот и ви дава можност на кратко да го опишете бизнисот и информацијата што сакате да ја поделите со јавноста. Некои пребарувачи може да ги покажат само насловот, овој дел и линк до целосното соопштение. Тоа значи дека доколку вашето соопштение нема параграф за кратка содржина, можете да ја намалите ефикасноста на веста, бидејќи читателите нема да кликнат да видат што сакате да соопштите.
Големина: една до четири реченици.
Форма: слично како насловот.
Совет: задолжително ставете го името на вашата компанија во насловот, кратката содржина или во првите параграфи, за да може линкот веднаш да води до вашата компанија.
Место за дата и Прв параграф
Првиот параграф на соопштението е тоа што имате да го кажете, обезбедува одговори на ’кој, што, кога, каде, зошто (она што го интересира читателот) и како’ - клучните прашања кои се важни за вашата приказна. Најдобар начин да го задржите првиот параграф едноставен е да заборавите на користење многу придавки кај важните информации. Тука е местото каде што ќе го задржите вниманието на читателот, доколку ги пренесете вестите наједносатавно што можете.
Големина: идеално – 25 зборови или помалку
Форма: Град, Држава, Ден, Месец, Година – најважните информации кои што сакате да ги објавите.
Совет: не изведувајте пребрзо заклучоци дека читателот веќе го прочитал насловот и кратката содржина – првиот параграф е засебен дел од остатокот од текстот. Вклучете ги важните клучни зборови во насловот, кратката содржина и првиот параграф. Додадете ја вашата инетернет страница и локацијата каде што се наоѓате, за да ве контактираат по потреба.
Текст
Ова е вашата шанса да ја раскажете својата приказна. Како и секоја вест, целта е да ја пренесете информацијата на читателите. Не заборавајте да ја пренесете веста неутрално и објективно – како телевизиски презентер наспроти реклама.
Големина: 300 – 800 зборови
Форма: он-лајн соопштенијата не смеат да содржат ХТМЛ тагови и други форматирања, не стандардни карактери или табели. Употребете обележување на линкот на клучните зборови.
Не сте сигурни од каде да почнете? Следете го овој формат:
Прв параграф
Објаснете кој, што, кога, каде, зошто и како. Најчесто медиумите ќе ги употребат токму овие податоци доколку сакаат да ја употребат вашата вест.
Текст
• додадете детали на вашата вест кои што го потврдуваат она што го пренесувате, да добиете интерес или да го пренесат она што го соопштувате. Тука може да ставите изјави од вработените, корисници или експерти на темата, статистики, графици и слично
• обезбедете доволно детали за информацијата што ја презентирате
• вклучете линкови од вашата интернет страница во овој формат: http://www.momenti.com.mk
Последен параграф
Воглавно, последниот параграф соджи најмалку информации. Но во он-лајн соопштение најдобро е тука да направите краток заклучок на веќе кажаното. Може да содржи и повеќе информации за читателот околу продуктот или услугата што ја презентирате.
Што Не Треба
• Да им се обратите директно на вашата целна група (обраќајќи им се со ’ти’ или ’вие’)
• Обраќање кон вас или компанијата со ’јас’, ’ние’ – ваков начин на обраќање, како и горенаведениот, наведува кон продавање наспроти вест
• Со употреба на многу извичници, опис на производ или услуга како одлична или употреба на сите ГОЛЕМИ БУКВИ ќе ја уништат веста и ќе делувате несериозни
• Не ја ставајте својата меил адреса во соопштението доколку не сакате да станете жртва на спам – пребарувачите ќе ја генерираат адресата и ќе ја употребат во во меилинг листата за спам.
• Не ставајте долга листа на набројувања - на тој начин вашето соопштение ќе биде одбиено од пребарувачите при пребарувањето.
• Не креирајте ’спам линк’ (ако ставите премногу линкови, пребарувачите ќе го прифатат соопштението како линк како спам и ќе го искористат за тоа). Не ставајте повеќе од еден линк на секои 100 збора во вашето соопштение. Тука спаѓаат и оние линкови од целиот текст (означените зборови со хиперлинк) и активните УРЛ хиперлинкови.
Совет: речениците нека бидат кратки и јасни, околу три или четири реда во параграф.
Не заборавајте да ги проверите печатните и граматичките грешки пред да го пратите соопштението.
За компанијата
Според дефиницијатреба да напишете нешто што е константно и не се менува. Во соопштението, тука се пишуваат информации за компанијата. Секако, може (и треба) да има информации за важни лица во компанијата, услуги или други детали, како и поддржани финансиски извештаи.
Информации за контакт
Со контакт информациите ќе им овозможите на сите заинтересирани, од медиумите или заинтересираните клиенти полесно да ве најдат. Треба да оставите име на компанијата, телефонски број, интернет страница и меил адреса.

Пример Договор за спонзорство

admin — Wed, 26 May 2010 11:00:56 +0000

Забелешка: Ова е само пример, без намера да претставува замена за договор подготвен од страна на Вашиот адвокат или правен советник.
Склучен на ден [Дата], меѓу Спонзор [Име на спонзор] и Организатор на настан [Име на настанот].
Член 1
Генерално. Со овој Договор спонзорот се согласува да биде спонзор на настанот [Име на настанот] опишан во Предлог понудата, од која копија е вклучена во овој договор како Прилог 1. Спонзорот се согласува да му ги компензира на [Име на настанот] следниве услуги и/или да ја плати следнава сума:
[напишете го нивото на спонзорство, Пр. Златно спонзорство и предвидената сума]
За возврат, [Име на настанот] ќе му ги обезбеди на Спонзорот придобивките опишани во Предлог понудата. [Име на настанот] може да ги приспособи придобивките, да ги замени или да овозможи други придобивки со претходна согласност на Спонзорот.
Член 2
Плаќање. Плаќањата се одвиваат според следнава временска рамка: ____ процент на или пред ________ 201_, и остатокот најдоцна до или пред истекот на _________ 201_. Неисплаќањето на средства во согласност со временските рокови може да резултира со раскинување на овој договор. Давањето на договорените услуги ќе биде временски одредено со посебен писмен документ, подготвен од претставниците на [Име на настанот] и Спонзорот.
Член 3
Спонзорски ограничувања. Освен ако не е поинаку предвидено, понудените средства или услугите и бенефитите за Спонзорот опишани во овој договор се однесуваат единствено на [Име на настанот] кој ќе се оддржи на _______, 201_. Под претпоставка дека Настанот ќе се оддржи и следната година во 201_, Спонзорот има право прв да го продолжи или одбие спонзорството и вклучувањето во настанот под услови за кои заедно ќе се договорат Спонзорот и [Име на настанот].
Член 4
Лиценца и користење. Со овој договор Спонзорот му доделува на [Име на настанот] ограничено, неексклузивно право/лиценца да ги користи трговските имиња, знакови и други заштитени информации во сопственост на Спонзорот. [Име на настанот] се согласува дека добиените информации ќе бидат користени само во врска со настанот во 201_ со цел да му се обезбедат придобивките однапред договорени во Предлог понудата, и други бенефити за кои Спонзорот и [Име на настанот] дополнително ќе се согласат.
Член 5
Спонзорски договорни права/обврски. Спонзорските договорни права/обврски се регулирани на следниов начин: вредноста во денари предвидена во Предлог понудата е проценка базирана на генерални информации за спонзорот кои ги има на располагање [Име на настанот]; процентот на зголемување на посетеноста е проценка направена врз основа на претходни години и реалната посетеност може да варира. Ниту еден дел од спонзорските исплати или извршените услуги нема да бидат рефундирани по ниедна причина, освен ако не е прецизно наведена во Договорот. Спонзорството не е ексклузивно освен ако не е предвидено во Предлог понудата.
Член 6
Раскинување на договор. [Име на настанот] може да го раскине Договорот со претходна писмена изјава со отказен рок од 30 дена. Во случај на раскинување на Договорот заради било која причина различна од неможност да се обезбедат договорените средства или услуги, [Име на настанот] може да го замени настанот со еквивалентни придобивки со претходно одобрение на Спонзорот или треба да ги рефундира средствата добиени од Спонзорот за оддржување на [Име на настанот]. Спонзорот не смее да го раскине договорот без претходно одобрение од [Име на настанот].
Член 7
Aмандмани. Овој Договор може да има амандмани само во пишана форма, потпишани од двете договорни страни.
Член 8
Разно. Во случај на спор во врска со извршувањето на овој Договор надлежен е судот _______, и Договорот е обврзувачки за сите наследници и назначени одговорни лица на двете страни.
Спонзор на настанот : ________________
[Име на настанот]: ________________

Примери пакети за спонзорство

admin — Wed, 19 May 2010 10:38:41 +0000

Следниве примери се базирани на успешни спонзорски пакти кои соддржат различни идеи за различни спонзорски нивоа. Нивоата се организирани како Платинумско, Златно, Сребрено, Бронзено и Детско спонзорство. Имињата и сумите се дадени ориентационо и со цел да покажат како организациите ги дефинираат различните нивоа на спонзорства. Организациите вообичаено им даваат посебни имиња на нивоата за да ги потенцираат нивните различни бенефити. Изберете ги оние кои најпрецизно ги објаснуваат придобивките кои вашата организација може да ги понуди. Пресметајте ја вредноста на секоја придобивка и обезбедете точни бројки. Запаметете дека телевизиското покривање/реклами можат да бидат многу важни за потенцијалните спонзори.
Платинумско спонзорство 10.000 долари
Името или логото на спонзорот постојано прикажано на рекламни објави:
• [Внесете број] Огласи за вработување во [Внесете име на медиум]
• [Внесете број] Огласи за волонтери во [Внесете име на медиум]
• [Внесете број] Локациски реклами во [Внесете име на медиум]
• [Внесете број] Реклами за благодарност [Внесете име на медиум]
• [До XXX.XXX долари во рекламна вредност]
• Половина страна во дневен весник со диструбиција од XXX.XXX примероци
• Банер на главната сцена на џез концерт
• Јавно спомнување на сцена на денот на концертот
• 10×10 метри штанд за време на Фестивалот
• 15 ВИП резервирани седишта и паркинг за концертот
• Билети за вработените (до 30)
• Цела страна реклама за вашиот бизнис во програмата на Фестивалот
• Логото на Вашата компанија на сите печатени материјали за Фестивалот
• Името на Вашиот бизнис спомнато на минимум 40 телевизиски промотивни спотови [до XXX.XXX долари во рекламна вредност]
• Името на Вашиот бизнис или лого на сите маици испечатени за фестивалот, и носени од повеќе од XXX волонтери за време на оддржување на фестивалот
• Името на Вашиот бизнис вклучено во годишниот извештај на Сојузот на комори
• Покана за сите годишни настани за Давање признание на донаторите на Фестивалот
• Вклучување во сите радио огласи
• Вклучување во сите прес соопштенија
• Вклучување во сите известувања на интернет страницата и сите мејлови испратени во врска со Фестивалот
Златно спонзорство 5.000 долари
Името или логото на спонзорот постојано прикажано на рекламни објави:
• [Внесете број] Огласи за вработување во [Внесете име на медиум]
• [Внесете број] Огласи за волонтери во [Внесете име на медиум]
• [Внесете број] Локациски реклами во [Внесете име на медиум]
• [Внесете број] Реклами за благодарност [Внесете име на медиум]
• [До XXX.XXX долари во рекламна вредност]
• Една четвртина страна во дневен весник со диструбиција од XXX.XXX примероци
• Банер на главната сцена на џез концерт
• Јавно спомнување на сцена на денот на концертот
• 10×10 метри штанд за време на Фестивалот
• 12 ВИП резервирани седишта и паркинг за концертот
• Билети за вработените (до 20)
• Името на Вашиот бизнис или лого на сите маици испечатени за фестивалот, и носени од повеќе од XXX волонтери за време на оддржување на фестивалот
• Името на Вашиот бизнис вклучено во годишниот извештај на Сојузот на комори
• Покана за сите годишни настани за Давање признание на донаторите на Фестивалот
• Вклучување во сите прес соопштенија
• Вклучување во сите известувања на интернет страницата и сите мејлови испратени во врска со Фестивалот
Сребрено спонзорство 2.500 долари
Името или логото на спонзорот постојано прикажано на рекламни објави:
• [Внесете број] Огласи за вработување во [Внесете име на медиум]
• [Внесете број] Огласи за волонтери во [Внесете име на медиум]
• [Внесете број] Локациски реклами во [Внесете име на медиум]
• [Внесете број] Реклами за благодарност [Внесете име на медиум]
• [До XXX.XXX долари во рекламна вредност]
• Една осмина страна во дневен весник со диструбиција од XXX.XXX примероци
• 8 ВИП резервирани седишта и паркинг за концертот
• Билети за вработените (до 10)
• Името на Вашиот бизнис вклучено во годишниот извештај на Сојузот на комори
• Покана за сите годишни настани за Давање признание на донаторите на Фестивалот
• Вклучување во сите прес соопштенија
• Вклучување во сите известувања на интернет страницата и сите мејлови испратени во врска со Фестивалот
Бронзено спонзорство 1.500 долари
Името или логото на спонзорот постојано прикажано на рекламни објави:
• [Внесете број] Локациски реклами во [Внесете име на медиум]
• [Внесете број] Реклами за благодарност [Внесете име на медиум]
• Една шеснаесетина страна во дневен весник со диструбиција од XXX.XXX примероци
• 4 ВИП резервирани седишта и паркинг за концертот
• Билети за вработените (до 6)
• Името на Вашиот бизнис вклучено во годишниот извештај на Сојузот на комори
• Вклучување во сите прес соопштенија
• Вклучување во сите известувања на интернет страницата и сите мејлови испратени во врска со Фестивалот
Детско спонзорство 1.000 долари
Името или логото на спонзорот постојано прикажано на рекламни објави:
• [Внесете број] Огласи за вработување во [Внесете име на медиум]
• [Внесете број] Спонзорски реклами во [Внесете име на медиум]
• [Внесете број] Огласи за волонтери во [Внесете име на медиум]
• [Внесете број] Локациски реклами во [Внесете име на медиум]
• [Внесете број] Реклами за благодарност [Внесете име на медиум]
• [До XXX.XXX долари во рекламна вредност]
• Една четвртина страна во [Внесете го името на весникот] со диструбиција од XXX.XXX примероци
• Банер во Детски оддел на Фестивалот
• Можност за делење примероци од производи во Детски оддел
• 10×10 метри штанд за време на Фестивалот
• Билети за вработените (до 6)
• Бесплатен влез на децата на вработени под 12 годишна возраст
• Името на Вашиот бизнис или лого на сите маици испечатени за фестивалот, и носени од повеќе од XXX волонтери за време на оддржување на фестивалот
• Името на Вашиот бизнис вклучено во годишниот извештај
• Покана за сите годишни настани за Давање признание на донаторите на Фестивалот
• Вклучување во сите прес соопштенија
• Вклучување во сите известувања на интернет страницата и сите мејлови испратени во врска со Фестивалот
Идеи со додадена вредност за спонзорите/партнерите
Искористете го задниот дел од билетите како дел за реклама со логоа и/или купони – одлична можност за експонирање на бизнисот
Знаци/банери/постери на настанот – генерално колку е поголем знакот, и колку е поблизок до главниот тек на сообраќај, поголема е и неговата вредност
Реклами/огласувања на настанот – повеќе реклами/огласувања, поголема вредност
Реклами во фестивалската програма/споменување во воведник
Материјали за публицитет – прес соопштенија, флаери, постери, радио и телевизиски реклами, споменувања на интернет страницата, сите овие начини нудат различна вредност
Резервирани седишта/резервиран паркинг – дел од ВИП третманот кој сите го ценат
Алатки за заблагодарување/оддавање признание – плакети, вечери, ручеци, појадоци, лични писма [искажувањето благодарност е многу важно].

Пример писмо за барање спонзорство

admin — Wed, 12 May 2010 09:35:38 +0000

Пред да му пристапите на потенцијалниот спонзор, јавете се во одделот за човечки ресурси и дознајте го името на лицето кое работи со давање донации и спонзорства. Истовремено, распрашајте се дали компанијата веќе има подготвено водич и услови за донирање средства и спонзорства и доколку има, побарајте копија од нив. Аплицирајте за средства само доколку вашата организација ги исполнува сите предвидени услови. Адресирајте го вашето писмено барање до соодветната личност. По писмото треба да следи телефонски повик за да се одреди заинтересираноста и да се побара закажување на состанок на кој ќе се дискутира потнцијалното спонзорство.
[Ден, Месец, Година]
[Име на примач]
[Титула на примач]
[Фирма на примач]
[Адреса на примач]
[Град, Држава и Поштенски код на примач]
Почитувани [Внесете име на спонзорот овде],
[Внесете го името на Вашата организација] Ве поканува да станете спонзор на нашиот годишен [Внесете го името на настанот овде] за да ги искористите следниве предности [Внесете ги предностите овде].
Примарен извор на средства за [Внесете го името на настанот овде] е од корпоративни спонзори, како Вашата компанија. [Внесете го името на настанот овде] не добива средства од владини фондови.
Овој интересен настан ќе се оддржи [Внесете дата, време и место]. Станува збор за [Внесете опис на настанот овде].
Како што веројатно сте запознаени, [Внесете го името на Вашата организација] обезбедува [Внесете услуги] за [Именувајте ја областа] на граѓаните последниве [Внесете број на години]. Фондовите добиени од овој настан ќе се искористат за [Именувајте ги предностите].
Вашето спонзорство ќе помогне за осигурување на успехот на [Внесете го името на настанот овде]. Во прилог можете да најдете повеќе информации за настанот и за нивоата на спонзорства. Слободно побарајте ме за дополнителни информации или прашања. Со нетрпение го очекувам разговорот со Вас, кога Вам најмногу Ви одговара.
Искрено,
[Внесете го името на одговорниот од Вашата организација]
[Внесете телефон и е-мејл]
Во прилог: Информации за спонзорства
Инфо за настанот

Програма за медицински стипендии за Роми - Скопје

admin — Fri, 30 Apr 2010 12:22:04 +0000

Од 30 април до 13 мај 2010 година, беа одржани презентации за Програмата за медицински стипендии за Роми во средните медицински училишта во Куманово, Велес, Штип, Битола, Прилеп, Струга, Тетово и Скопје, Медицинскиот факултет при Државниот Универзитет во Тетово и Медицинскиот и Стоматолошкиот факултет при Универзитетот Св.Кирил и Методиј во Скопје. На презентациите присуствуваа ученици/студенти Роми од сите медицински струки: медицински сестри, општа медицина, фармација, стоматологија.
Целта на програмата е преку обезбедување финансиска поддршка (стипендии) за медициско образование, менторство и обука, да се зголеми бројот на Роми во овој сектор.
Програмата за медицински стипендии во Македонија ја спроведува Фондацијата Институт отворено општество Македонија(ФИООМ).

Ангажман на Моменти:

логистика
организација на презентации
односи со медиуми на локално ниво
промотивни материјали (дизајн, печарење)
слоган
односи со медиуми на локално ниво
превоз

Програма за медицински стипендии за Роми - Скопје

admin — Fri, 30 Apr 2010 12:22:04 +0000

Ангажман на Моменти:

логистика
организација на презентации
односи со медиуми на локално ниво
промотивни материјали (дизајн, печарење)
слоган
односи со медиуми на локално ниво
превоз

Програма за медицински стипендии за Роми - Скопје

admin — Fri, 30 Apr 2010 12:22:04 +0000

Ангажман на Моменти:

логистика
организација на презентации
односи со медиуми на локално ниво
промотивни материјали (дизајн, печарење)
слоган
односи со медиуми на локално ниво
превоз

Програма за медицински стипендии за Роми - Скопје

admin — Fri, 30 Apr 2010 12:22:04 +0000

Ангажман на Моменти:

логистика
организација на презентации
односи со медиуми на локално ниво
промотивни материјали (дизајн, печарење)
слоган
односи со медиуми на локално ниво
превоз